Tuesday, May 11, 2010

தஸ்தாயெவ்ஸ்கியின் இரண்டு வாசகர்கள்


வெறுமை வேண்டியும்
துக்க மன நிலைக்குமாய்
தஸ்தாயெவ்ஸ்கியுடன்
படுக்கையில் சரிகிறாள்
மொஹல் மெத்தையின்
வெல்வெட் வழவழப்பில்
விரைந்து பற்றவாரம்பிக்கிறது தீ

அகிரா,பிரஸ்ஸோன் மற்றும்
மொராக்கோ சகோதரர்களிடம்
சிக்கியிராத
தஸ்தாயெவ்ஸ்கியின் ஆன்மாவை
ஒளிப்படச் சுருளில்
பொதிந்துவைக்க
குளிர் விரவிய
தெருக்களில் மிதந்தபடி
விரல்சுடும் சிகரெட்டை
காற்றில் சுண்டி விடுகிறான்
பொறிகளை
சிதறவிட்டு
மெல்ல அணைகிறது
கங்கு

பின்பொரு
சலித்த கோடை இரவில்
மூத்திர இருள் சந்தில்
தஸ்தாயெவ்ஸ்கியை
கொல்வது குறித்த
சதியாலோசனையைத்
துவங்குகிறார்கள்

இதே போன்றதொரு
குளிர் இரவில்
இருபக்கமும் மரப்பிடிகொண்ட
ரம்பத்தை
பின்பும் முன்புமாய்
இழுத்து
தஸ்தாயெவ்ஸ்கியின்
தலையைக் கொய்ததை
நினைத்துக் கொள்கிறார்கள்

உட்கார்ந்தும் நின்றுமாய்
மூத்திரம் கழித்து
எதிரெதிர் திசைகளில்
திரும்புகிறார்கள்.

Post a Comment

Featured Post

பசுஞ்சமவெளியும் பொன்னிற ஒளிக் கதிர்களும்

2017 எனக்கு மிக முக்கியமான வருடம். இவ்வளவு அழுத்தத்திலா இத்தனை நாள் இருந்தோம் என்பது வெளியேறிய பின்னர்தாம் தெரியவந்தது.  வானம் வரை விர...