Tuesday, January 15, 2008

தூங்கும் புத்தகம்



விடைபெறும் தருணத்தில்
அவளிடமிருந்து ஒரு புத்தகம் வாங்கி வந்தேன்
திருப்பித் தர வேண்டிய நிர்பந்தங்களில்
வைத்த இடம் மறந்துபோயிற்று
மாடிப்படி
கழிவறை
கொல்லை மரத்தடி
ஓடு வேய்ந்த கூரைத் திட்டு
பாட்டியின் பழைய பெட்டி
உரல்
அம்மிக்கல்
மரக்கிளை
வாயில்படியென
எந்த இடுக்கிலும் இல்லை
தேடிப்பிடித்த கனமான சுத்தியலொன்றைக் கொண்டு
என் மண்டையைப் பிளக்க ஆரம்பித்தேன்
உள்ளே வழு வழுப்பான அட்டையுடன்
மிக வசீகரமான தாள்களோடு
தூங்கிக் கொண்டிருந்தது
அதே புத்தகம்...
Post a Comment

Featured Post

தினசரிகளின் துல்லியம் - கிண்டில் வெளியீடு

தினசரிகளின் துல்லியம்             புத்தகங்கள், திரைப்படங்கள் மற்றும் சில உதிரிக் குறிப்புகள் உள்ளே.. 1.    தினசரிகள...