Tuesday, August 4, 2009

பிறந்தநாள்


வெள்ளையும் நீலமும்
கலந்த சுடிதார்
சிவப்பு நிற பனியன்
அகலச் சிவப்புக் கறைவைத்த
கருநிறப் புடவை
ஒற்றைச் சிவப்பு ரோஜா
கோவில் சினிமா கடற்கரை
வன்மென் முத்தங்கள்
குவிமுலைப்புதைவுகள்
ஆடையான நீள்முடி
தூக்கம் மிதக்கும் விழிகள்
ஒரே ஒரு மெழுகுவர்த்தி
ஒளிரும் கண்களில்
நிழலாடிய என்
பசித்த உதடுகள்
கழுத்து வியர்வையில்
மினுங்கும் பூவிதழ்கள்
மடிச்சுருளும் பூனையுடல்
மென் நாவு தீண்டும் காதுமடல்
………..
………

சிலவற்றை
எளிதில் கடக்க முடிவதில்லை
நினைவுகளை அழிக்க
பின்னிரவு வரை
நினைவுகளோடே
குடிக்க வேண்டியிருக்கிறது

உன்னுருவம் மங்கி
நினைவுகள் அதிரும்
இவ்வெம்மையிருள் தெருக்களில்
உனக்கான பாடலொன்றை
எப்போதும் சுமந்தலைகிறேன்
………
ஒருபோதும் சந்தித்துவிடாதிருப்போம்.
Post a Comment

Featured Post

Wild Wild Country - 3 பிம்பங்கள் உடைதல்

இந்தத் தொடரில் ஷீலாவைத் தவிர்த்து எனக்குப் பிடித்த இன்னொரு நபர் Philip Toelkes . அமெரிக்காவில் மிகப் பிரபலமான வக்கீலாக இருந்தவர். ரஜனீஷ...