டேபிள் டென்னிஸ் கவிதைகள் 0-2

மனிதர்களை எனக்குப் பிடிக்காது
குறிப்பாக பெண்களை
வெகு குறிப்பாக ஆண்களை
ஏற்கனவே
பிதுங்கிக் கொண்டிருந்த எல்லோரையும்
கழுத்தைப் பிடித்து வெளியில் தள்ளியாகிற்று
என்றாலும்
தினம் யாராவது ஒருவர் புன்னகைத்து
பதிலுக்கு கடுகடுப்பை பெற்றுக் கொள்கின்றனர்
மனிதர்களை நிஜமாகவே எனக்குப் பிடிக்காது
எனக்குப் பிடித்தது சுவர்களோடு மேசைப்பந்து விளையாடுவது
காலை நடை போவது
மாலை ரம் குடிப்பது
கதவை இழுத்து சாத்திக் கொள்வது