Wednesday, May 25, 2011

டேபிள் டென்னிஸ் கவிதைகள் 0-1

கார்னிவல் தெருவின் முகப்பு வீட்டில்
மஞ்சணாத்தி கொத்தாய் பூத்திருக்கிறது
செயிண்ட் த்ரேஸ் தெருவிலிருக்கும் கடைசி வீட்டில்
காம்பவுண்டைத் தாண்டி ஆவாரம்பூ
மஞ்சளை உதிர்த்திருந்தது
அம்பேத்கார் தெரு குடிசை ஒன்றினுள் ஒரு சிறுமி
தலையில் கேரம் பலகையை சுமந்தபடி நுழைகிறாள்
பிள்ளையார் கோவில் தெரு ஓட்டு வீட்டிலிருந்து
ப்ராவிற்குள் மேசைப்பந்தை அடைத்துக் கொண்டு
அடர் சிவப்பு லிப்ஸ்டிக் சகிதமாய் வெளியேறுகிறேன்
ரூடூமாஸ் வீட்டின் இரண்டாம் தளத்தில்
அதே டேபிள் டென்னிஸ் மேசையில்
யாரையாவது கிடத்தி
யாராவது புணர்ந்து கொண்டிருக்கலாம்
Post a Comment

Featured Post

எனக்கு மனிதர்களைப் பிடிக்காது - கவிதைத் தொகுப்பு - அய்யனார் விஸ்வநாத்

இக்கவிதைகள் தனிமையின் இசை மற்றும் நானிலும் நுழையும் வெளிச்சம் கவிதைத் தொகுப்புகளிற்குப் பிறகு எழுதப்பட்டவை. 2010 ஆம் வருடத்திலிர...