Friday, May 20, 2011

டேபிள் டென்னிஸ் கவிதைகள் 0-0

நீல டேபிள் டென்னிஸ் மேசையில்
வெள்ளைப் பந்து சப்தத்தோடு துள்ளுகிறது

மன மேசையின் வலையைத்
தகர்த்தெறிந்து
திசையெங்கும் பந்துகளைச் சிதறடித்தேன்
கற்பனைச் சுவர்கள்
கைக் கொள்ளாப் பந்துகள் மோதி
உயிர்தெழுந்தன

அந்தர மேசையில்
சுவர்களோடு
விளையாட்டைத் தொடர்ந்தேன்
பந்தைத் திருப்பியணுப்ப வேண்டிய
தன் முறைக்காய் காத்திருந்துச்
சலித்த மற்றச் சுவர்கள்
அறையை மேசையாய் கவிழ்த்துப் போட்டு
என்னைப் பந்தாக்கி
சுவாரசியமாய் ஆட ஆரம்பித்தன

அதே நீல டேபிள் டென்னிஸ் மேசையில்
வெள்ளைப் பந்து இன்னும் சப்தத்தோடு துள்ளுகிறது
Post a Comment

Featured Post

தினசரிகளின் துல்லியம் - கிண்டில் வெளியீடு

தினசரிகளின் துல்லியம்             புத்தகங்கள், திரைப்படங்கள் மற்றும் சில உதிரிக் குறிப்புகள் உள்ளே.. 1.    தினசரிகள...